/ / Elan yerləşdirmə qaydaları

Elan yerləşdirmə qaydaları

Bu qaydalar RentBono tətbiqində və günlükkiraye.az-da yerləşdirilən bütün elanlara — pulsuz və ödənişli xidmət tətbiq olunanlara — şamil olunur. Elanın tez təsdiqlənməsi və qonaqların etibar etməsi üçün onlara əməl edin.

Son yenilənmə: 16 oktyabr 2026

1. Ümumi

  • Elanlar «İstifadəçi razılaşması» və bu qaydalara uyğun yerləşdirilir.
  • Hər elan yayımdan əvvəl və hər düzəlişdən sonra moderasiyadan keçir.
  • Qaydaya uyğun olmayan elana «Düzəliş tələb olunur» və ya «Rədd edilib» statusu verilir; səbəb və moderatorun qeydi kabinetdə və bildirişdə göstərilir.
  • Qaydaları təkrar pozan istifadəçinin elan yerləşdirmə imkanı məhdudlaşdırıla və hesabı bloklana bilər.
  • Hər hal ayrıca nəzərdən keçirilir; yekun qərarı Administrasiya verir.

2. Əmlak və elan

  • Elan yalnız günlük kirayə üçündür. Satış və uzunmüddətli kirayə elanları qəbul olunmur.
  • Bir əmlak üçün bir elan. Eyni əmlakı təkrar yerləşdirmək olmaz.
  • Əmlakın növü (mənzil, həyət evi, villa, A-frame və s.) düzgün seçilməlidir.
  • «Elanı kim yerləşdirir?» sualına düzgün cavab verin: «Əmlak sahibiyəm» və ya «Vasitəçiyəm». Elanda bu «Mülkiyyətçi» və ya «Vasitəçi» kimi göstərilir. Vasitəçi mülkiyyətçinin icazəsi olmadan elan yerləşdirə bilməz.
  • Şəhər, Bakıda rayon, ünvan və xəritədəki nöqtə evin həqiqi yerinə uyğun olmalıdır. Dəqiq ünvan saytda göstərilmir.
  • Artıq kirayəyə verilməyən və ya müvəqqəti əlçatan olmayan elanı kabinetdə dayandırın.

3. Elan yeri və müddət

  • Hər hesabın ilk elanı pulsuzdur. Növbəti hər elan üçün elan yeri alınır.
  • Elan yayımlandığı gündən 30 gün görünür. Müddəti kabinetdən uzatmaq olar; müddəti bitən elan saytdan gizlədilir.
  • Elan yerinin, müddətin uzadılmasının və digər xidmətlərin qiyməti «Ödənişli xidmətlər» səhifəsindədir.

4. Qiymət və kampaniyalar

  • Qiymət bir gecə üçün, manatla, real və tam göstərilir. Elanda göstərilməyən gizli əlavə ödəniş tələb etmək olmaz.
  • Bayram və mövsüm qiymətlərini təqvimdə ayrıca qeyd edin.
  • Endirim kampaniyası 1–99 faiz arasında ola bilər və yalnız real qiymətdən hesablanır.

5. Şəkillər və video

  • Ən azı 4 şəkil, hər biri ən azı 300×300 piksel. Şəkillər məhz bu evə aid və həqiqi olmalıdır; internetdən və başqa elanlardan götürülmüş şəkillər qadağandır.
  • Birinci şəkil otağı və ya evin ümumi görünüşünü göstərməlidir.
  • Şəkildə loqo, su nişanı, telefon nömrəsi, qiymət, QR-kod, kollaj və ekran görüntüsü olmamalıdır.
  • Video 30 saniyəyə qədər, həyət evi və villada 5 dəqiqəyə qədər ola bilər. Video da bu evə aid olmalıdır.
  • Şəxsi həyatın toxunulmazlığını pozan, insanların icazəsiz göstərildiyi şəkillər qəbul olunmur.

6. Mətn

  • Başlıqda və təsvirdə telefon nömrəsi, link, başqa elanların və ya xidmətlərin reklamı olmamalıdır.
  • Bir elanda yalnız bir əmlak təsvir olunur.
  • İmkanlar siyahısında yalnız evdə həqiqətən olanları qeyd edin.
  • Ev qaydalarını (siqaret, ev heyvanı, sakitlik saatları, qonaq sayı) açıq yazın.
  • Administrasiya mənanı dəyişmədən orfoqrafiya səhvlərini düzəldə bilər.

7. Əlaqə məlumatları

  • Elanda yalnız özünüzə və ya elanı idarə edən vasitəçiyə məxsus WhatsApp və zəng nömrəsi göstərilir.
  • Üçüncü şəxslərin nömrəsini onların razılığı olmadan yazmaq qadağandır.
  • Elan yerləşdirərək bu nömrələrin qonaqlara göstərilməsinə razılıq verirsiniz.

8. Elanın redaktəsi

  • Bütün qaydalar redaktə zamanı da tətbiq olunur. Düzəliş yenidən moderasiyaya gedir; yoxlama bitənə qədər elanın əvvəlki təsdiqlənmiş variantı saytda qalır.
  • Elanı başqa əmlaka çevirmək (ünvanı, növü, şəkilləri tamamilə dəyişmək) olmaz — yeni əmlak üçün yeni elan yerləşdirin.

9. Moderasiya

  • Moderator elanı oxuyur, uyğun olduqda təsdiqləyir və elanı kolleksiyalara (məsələn, «Dağ evləri», «Dəniz kənarı») əlavə edə bilər.
  • Uyğun olmayan elan üçün səbəb və moderatorun qeydi göndərilir. Elanı düzəldib yenidən göndərə bilərsiniz.
  • Elan saytdan göndərilibsə bildiriş saytdakı kabinetə, tətbiqdən göndərilibsə tətbiqə gəlir.

10. Turlar

  • Tur elanları da bu qaydalara və moderasiyaya tabedir.
  • Hər hesabın ilk turu pulsuzdur, növbəti turlar üçün tur yeri alınır.
  • Turda ən azı 3 şəkil, hər günün proqramı, gecələmə olan turda qalınacaq yer və real qiymət göstərilməlidir.

11. Davranış və sanksiyalar

  • Elandakı qiymətdən fərqli qiymət tələb edilməsi, avansın mənimsənilməsi və ya qonağın aldadılması aşkar edildikdə elan silinir və hesab bloklana bilər.
  • Administrasiya əməkdaşlarına və digər istifadəçilərə qarşı təhqiredici davranış hesabın bloklanmasına səbəb olur.
  • Qaydaları pozduğu üçün dayandırılan və ya silinən elana tətbiq olunmuş xidmətlərin haqqı qaytarılmır.
Dəstək